Kriza që ka kapluar Barcelonën padyshim që është edhe për shkak të lëndimit të mesfushorit spanjoll Gavi.
Mesfushori i talentuar ka mbetur i lënduar që nga nëntori i vitit të kaluar, kur pësoi lëndim sa ishte pjesë e Përfaqësuese së Spanjës në sfidën ndaj Gjeorgjisë.
Që nga ajo kohë 19-vjeçari ka humbur 18 ndeshje në të gjitha garat për katalunasit dhe mungesa e tij është vërejtur shumë.
Tani trajneri i Barcelonës, Xavi Hernandez ka dhënë përditësime të reja rreth shërimit të yllit të mesfushës duke thënë se gjendja e tij është shumë e mirë.
“Rikuperimi i Gavi po shkon shumë më mirë se sa pritej. Ai është i lumtur dhe pozitiv”, tha Xavi për mediat sot.
Është lajmi më i mirë që tifozët e Barçës do të donin të dëgjonin për mesfushorin e gjithanshëm.
Çfarë do të thotë kjo është se Gavi mund të kthehet në aksion në fillim të sezonit të ri gushtin e ardhshëm, në vend të shtatorit siç u mendua fillimisht.
Barcelona priste që Gavi të mungonte për 10-12 muaj, por mesfushori mund të rikthehet dy ose tre muaj më herët pa asnjë rrezik. /Telegrafi/