Vëlla e motër kanë mbetur të vrarë në derë të shtëpisë së tyre në Kodër rrëshen mbrëmjen e kësaj të marte. Viktimat janë Vladison Filopati dhe Esmeralda Filopati (33 vjeç).
Ndërkohë sipas policisë autori i kësaj ngjarje të rëndë është ish-bashkëshorti i Esmeraldës, Fatmir Koleci i cili mësohet se sapo ishte kthyer në Shqipëri.
E gjithë kjo ngjarje e rëndë dyshohet se ka ardhur për shkak të prishjes së martesës së Esmeralda Filopatiti dhe Fatmir Kolecit.
Fatmir Koleci është shpallur në kërkim nga policia dhe në të gjithë zonën janë ngritur pika kontrolli për kapjen e tij.
Sipas policisë ka qenë ish- bashkëshorti i vajzës së ndjerë që ka kryer krimin dhe më pas është larguar nga vendi i ngjarjes.
Në drejtim të vendngjarjes kanë shkuar forca të shumta të Policisë dhe Grupi hetimor. Gjithashtu në vendngjarje kanë shkuar forcat speciale Renea dhe FNSH e Shkodrës. Shërbimet e Policisë po krehin zonën për të bërë të mundur kapjen dhe arrestimin e autorit./tch/