Komisioni parlamentar për Zhvillim Ekonomik ka miratuar projekt ligjin për Patentë Shofer dhe projektligjin për Siguri në punë në Veprimtarinë Minerare.
Sipas anëtarëve të Komisionit mbetet përgjegjësi e Ministrisë së Infrastrukturës që të caktoi ekspert për pyetës të kandidatëve për patentë shofer.
Kurse me projektligj parashihet numri i orëve për teori dhe praktikë për patentë shofer, numri i orëve për teori është shtuar nga 16 në 20, kurse për mësime praktike është shtuar nga 20 në 30 orë.
Çmimi është caktuar të jetë minimal nga 7 euro 82 cent për një orë mësim praktikë, kurse për teori 2 euro e 8 cent.
Anëtarët e Komisionit për Planin e Punës propozuan të diskutohet Ligji për Trepçën në qershor të këtij viti dhe për këtë kërkuan nga Qeveria që të sjell këtë ligj në kuvend që të zgjidhet çështja e këtij gjiganti ekonomik.
Po ashtu u kërkua që me ligj të trajtohet edhe çështja e mbetjeve industriale ngaqë shitja e këtyre mbetjeve po bëhet në mënyrë klandestine. /Telegrafi/