Ministri i Mjedisit, Planifikimit Hapësinor dhe Infrastrukturës, Liburn Aliu njofton se pas votimit të propozim-vendimit për hartimin e Planit Hapësinor në mbledhjen e fundit të Qeverisë së Kosovës, është hapur mundësia për një planifikim të ri që përputhet me rrethanat ë reja të krijuara në vend.
Aliu gjatë një konference për medie, theksoi se ky dokument është i rëndësishëm, ku sipas tij, do të mundësojë harmonizim mes ministrive përkatëse.
“Me ketë hapet mundësia që ne të fillojmë hartimin e Planit Hapësinor të Kosovës i cili është dokument shumë i rëndësishëm. Ky dokument do të mundësoj që të bëjmë planifikimin në bazë të rrethanave e të reja që kanë ndodhur në vendin tonë. Për gjatë gjithë kësaj kohe janë bërë përgatitje të shumta për hartimin e këtij plani. Po ashtu, të gjitha strategjitë e ministrive përkatëse, do të mund te harmonizohen në mes vete dhe të inkorporohen në Planin Hapësinor të Kosovës”, tha Aliu. /Telegrafi/
