Komisioni për Buxhet, Punë dhe Transfere ka miratuar kërkesën e kyreauditores së përgjithshme, Vlora Spanca për uljen e pagës.
Kryetari i këtij Komisioni, Armend Muja tha se kërkesa e Spancas ka qenë që t’i ulet paga prej 3,835 euro në 2,800 euro.
Spanca ka sqaruar se priten të raportohen deri në 134 raporte të auditimit gjatë punës në vazhdim.
“Priten të raportohen 134 raporte të auditimit dhe raporte të tjera që kanë të bëjnë me resurse njerëzore”, tha ajo.
Në muajin gusht, me 67 vota për nga deputetët e Kuvendit të Kosovës kishin zgjedhur Vlora Spancan në pozitën e auditores së përgjithshme. /Telegrafi/