Mira Murati është shqiptarja e cila është njëherësh Shefja e Teknologjisë në një ndër kompanitë më të famshme dhe të avancuara në botë për inteligjencë artificiale, OpenAI.
Murati ishte e ftuar së fundmi në emisionin The Daily Show të Trevor Noah, e cila foli për sistemin DALL-E 2. Kjo teknologji krijon imazhe përmes një përshkrimi apo teksti të caktuar.
“Është një imazh origjinal që nuk është parë më herët. Ne kemi krijuar imazhe që nga fillimi, dhe ne thjesht morëm një pjesë të madhe të këtij imazhi dhe i kemi ushqyer me këtë sistem AI. Dhe mëson këtë lidhje midis përshkrimit të imazhit dhe vetë imazhit, i mëson këto modele dhe përfundimisht gjeneron imazhe që janë origjinale dhe nuk ishin kopje që mund të jenë parë më herët”, ka thënë ajo në The DailyShow derisa shpjegon softuerin DALL-E.
Ndryshe, Murati ka studiuar inxhinieri në Shkollën e Inxhinierisë Thayer në Dartmouth të Massachusetts, SHBA.
Ajo ka udhëhequr më parë ekipet e produktit dhe inxhinierisë në “Leap Motion” për ndërtimin e ndërfaqeve hapësinore njeri-makinë.
Gjithashtu shqiptarja thuhet se ka udhëhequr projektimin, zhvillimin dhe lansimin e produkteve të automjeteve në Tesla Motors duke përfshirë Model X, si dhe programe inovative në hapësirën ajrore. /Telegrafi/