Ministrja teknike e Punës dhe Politikës Sociale që vjen nga radhët e OBRM-PDUKM-së, Rashela Mizrahi në sallën për konferenca për shtyp të kësaj ministrie ndryshoi emrin ‘Maqedonia e Veriut’ në ‘Maqedonia’.
Ajo madje në rrjetin sociale në ‘Facebook’ ka shkruar se “qytetarët e Maqedonisë ruajnë shpinën”, pas akuzave të partive politike.
Nga LSDM thonë se Mickoski përmes kuadrove të Nikolla Gruevski në Qeverinë teknik po e shkel Kushtetutën e shteti dhe rrezikon anëtarësimin në NATO dhe BE-në, njofton Telegrafi Maqedoni.
“Ministrja teknike për Punë dhe Politikë Sociale nga radhët e OBRM-PDUKM-së, Rashela Mizrahi në institucion shtetëror, në mënyrë të drejtpërdrejtë shkel Kushtetutën”, shprehen nga LSDM.
Sipas LSDM-së, rrezikimi i Marrëveshjes së Prespës është edhe rrezikim i anëtarësimit në NATO dhe integrim në Bashkimit Evropian për shkak se pa këtë marrëveshje nuk ka as NATO e as BE.
“Një veprim i tillë kundër kushtetues të Mizrahit, me urdhër të Mickoskit dhe shefit të tij Gruevski është kundërshtetëror. Është kthimi prapa që po e fol Mickoski. Kthimi në izolim dhe rindërtim regjimit kriminal”, shprehen nga LSDM duke shtuar se atë që e bën partia opozitare maqedonase kundër Marrëveshjes së Prespës është kundër NATO-s dhe BE-së por edhe e rrezikshme për ardhmërinë e shtetit dhe qëllimet strategjike të vendit./Telegrafi.