Humza Yousaf që është Ministër i Transportit në qeverinë e Skocisë, është ndaluar për një kontroll rutinë, kur është zbuluar se dokumentet e tij nuk janë në rregull.
Policia ka gjetur se ai nuk e ka policën e sigurimit, ndërsa ishte duke e vozitur makinën e një mikeshe, transmeton Telegrafi.
Së bashku me shoqërinë, ministri po kthehej nga një darkë kur i është tërhequr vërejtja për mungesën e dokumentit që i mbulon lëndimet apo dëmtimet gjatë ndonjë aksidenti.
Sidoqoftë, arsyetohet se është vetëm një lëshim teknik, si pasojë e shkurorëzimit nga gruaja, ndërsa ende dokumentet e tij nuk i janë kthyer normalitetit.
“Mbi të nuk do të rrëndojë ndonjë dënim, sepse ai ka imunitet dhe të gjitha kompensimet i bën Qeveria. Ministri sapo është ndarë nga bashkëshortja dhe shumicën e dokumenteve i kishte të përbashkëta”, thuhet në komunikatën e Ministrisë që drejton.
Ndryshe, ky problem është në mesin e kritikave ndaj tij, për përformansë të dobët dhe mungesë rregullimi të sistemit të hekurudhave. /Telegrafi/
