Qeveria, më 13 maj 2010, kishte ngarkuar ministrin Shala që të zbatojë vendimin që nëpërmjet Bordit të Drejtorëve të ngrijë punësimin dhe ngritjen e pagave në Post Telekomin e Kosovës (PTK).
Mirëpo Shala ka bërë të kundërtën, ka aprovuar kërkesën e kësaj kompanie publike që t’i punësojë rreth 30 punëtorë të rinj, pavarësisht se ishte e obliguar që të mos lejojë punësime të reja.
Burimet e gazetës bëjnë të ditur se PTK i ka realizuar këto punësime, në bazë të një liste me emrat e kandidatëve që duhet pranuar, e cila u është dërguar nga niveli i lartë qeveritar. /Telegrafi/