Një debat i Forumit Ekonomik Botëror në Davos u pezullua të mërkurën, pasi ministri i jashtëm spanjoll Alfonso Dastis pësoi një humbje vetëdije dhe duhej të merrte kujdes mjekësor.
Në atë moment, siç shkruajnë mediat e huaja, përcjell Telegrafi, Dastis ishte në radhën e dytë të audiencës duke shikuar një bisedë të Bankës Botërore për të luftuar pabarazinë.
Sipas spanjolles El Mundo, pas marrjes së ndihmës mjekësore, ministri i jashtëm rifitoi vetëdijen e plotë.
Incidenti u kap në një transmetim direkt të Bankës Botërore gjatë një diskutimi që përfshinte Presidentin e Kolumbisë, Juan Manuel Santos, Presidentin e Grupit të Bankës Botërore, Jim Yong Kim, si dhe Winnie Byanyima të Oxfam International. /Telegrafi/
