Ministri shqiptar për Evropën dhe Punët e Jashtme, Igli Hasani, po merr pjesë në takimin e 30-të të Këshillit Ministror të OSBE-së, që mbahet në Shkup të Maqedonisë së Veriut, në datat 30 Nëntor – 1 Dhjetor 2023.
Pak pas mbërritjes në Shkup, ministri Hasani është takuar me Sekretarin e Jashtëm britanik, David Cameron.
“Kënaqësi të nisja angazhimin në Këshillin Ministror të OSBE në Maqedoninë e Veriut, me takim me Sekretarin e Jashtëm David Cameron. Diskutuam planet për avancimin e agjendës sonë dypalëshe dhe bashkëpunimin tonë të shkëlqyer për çështje shumëpalëshe”, nënvizoi Minstri Hasani në platformën X.
Konflikti Rusi-Ukrainë, dialogu Kosovë-Serbi, stabiliteti i paqes në rajon, ndryshimet klimatike, rinia dhe shoqëria civile do të jenë temat kryesore për të cilat do të diskutohet në takimin e Shkupit.
Maqedonia e Veriut mori kryesimin e OSBE-së në janar të vitit 2023, për t’ia kaluar atë Maltës për vitin 2024. /Telegrafi/
A pleasure to start off the engagements at #OSCEMC2023 🇲🇰 with a meeting with Foreign Secretary @David_Cameron. We discussed plans on advancing our bilateral agenda and our excellent collaboration on multilateral issues. 🇦🇱 🤝 🇬🇧 pic.twitter.com/ySWbSlmfbU
— Igli Hasani (@IgliHasani) November 29, 2023