Në Kuvendin e Kosovës pikë e rendit është edhe Shqyrtimi i parë i Projektligjit për kryeqytetin e Republikës së Kosovës.
Ministri Kujtim Gashi ne emër të Qeverisë së Kosovës ka ftuar deputetët e Kuvendit që ta votojnë ligjin për Prishtinën i cili është miratuar nga Qeveria.
Gashi tha se ky ligj është i një rëndësie të madhe, pasi që Prishtina si kryeqytet për herë të parë do të trajtohet me ligj të veçantë, i cili do të jetë në funksion të zhvillimit të gjithanshëm të kryeqytetit të Kosovës, raporton KP. “Andaj duke pasur parasysh rëndësinë e këtij ligji, ju ftoj që ta votoni”, tha Gashi.