Ministri i Brendshëm i Estonisë, Mart Helme thotë se do të japë dorëheqje pas komenteteve që bëri në lidhje me presidentin e zgjedhur, Joe Bidenin.
Ministri e quajti kandidatin demokrat dhe djalin e tij, Hunter si “tipa të korruptuar”.
Djali i Helmes, Martin, i cili është Ministri i Financave të Kombit, gjithashtu iu bashkua shfaqjes ku pretendoi se zgjedhjet ishin “të manipuluara”, raporton BBC.
Të dy janë anëtarë të Partisë Popullore Konservatore të Estonisë (EKRE) të ekstremit të djathtë.
Presidentja e Estonisë, Kersti Kaljulaid tha se ishte “në siklet” nga komentet e dy anëtarëve qeveritarë.
Në një deklaratë, ajo tha se ata kishin “dëmtuar marrëdhëniet tona me aleatët tanë dhe kishin hedhur dyshime mbi zgjedhjet demokratike estoneze”.
Theksojmë se Mart Helme tha se po jepte dorëheqje për të ruajtur koalicionin e qeverisë së Estonisë.
Ndryshe, Joe Biden ka siguruar 290 vota elektorale kundrejt Donald Trumpit që ka 214 sosh gjersa fituesi shpallet kanidati që siguron 270 vota. /Telegrafi/