Pas akuzave publike ndaj Ministrit të Punës dhe Mirëqenies Sociale Arban Abrashi se shumë pensionistë që figurojnë të vdekur kanë marrë nga shteti 800 mijë euro, ka reaguar edhe ky i fundit duke thënë se listat që posedonin personat e vdekur tashmë janë pastruar.
Me anë të një postimi në rrjetin social Facebook, Ministri Abrashi ndër të tjera shpreh, “Nuk qëndron aspak, konstatimi se janë paguar 800.000 euro në vitin 2015. Këto pagesa kanë të bëjnë me pagesa që janë bërë nga viti 2006 deri kur në momentin kur ne kemi pastruar listat. Pra ne si kabinet, kemi identifikuar dhe ndaluar pagesat për këto pensione, kemi pastruar listat dhe evidencën.” Gjithashtu Abrashi në deklaratën e tij fton të gjithë të interesuarit, që mund të kenë paqartësi, që të urdhërojnë dhe të kontaktojnë zyrën përkatëse të ministrisë në çdo kohë. Ai premton se të gjithë të interesuarave do t’ju ofrohet të gjitha informacionet e nevojshme.