Edicioni i fundit me të cilin MINI i thotë lamtumirë Clubman-it do të prodhohet në 1969 njësi, që përfaqëson edhe vitin në të cilin gjenerata e parë arriti në skenë.
MINI do të ofrojë edicionin e fundit të Clubman për klientët në mbarë botën, të cilët do të mund të zgjedhin midis tre ngjyrave të trupit (e bardhë, e zezë dhe gri), dhe me shtimin e Final Edition, do të ketë edhe emblema me numrin 1969 me të cilin në kompaninë britanike të makinave (nën kujdesin e BMW) duan të kujtojnë sasinë e edicionit të kufizuar, por edhe të gjeneratës së parë Clubman që u prezantua në vitin 1969.
I montuar në rrota 18-inç ngjyrë bakri, Clubman i fundit sjell me vete një kabinë të zbukuruar me veshje lëkure që mund të strehojë pesë persona, si dhe portat karakteristike të dyfishtë të pasme dhe strehët e dritave të pasme që dikur e bënin shaka Clubman-in aktual. Wartburg modern në versionin e karvanit.
Clubman i fundit, i cili u shfaq premierë në edicionin e tretë në vitin 2015, sjell me vete edhe shkronjën e kuqe të njohur S në kapakun e radiatorit, që do të thotë se fuqizohet nga një motor turbo benzinë me katër cilindra me dy litra që zhvillon 192 kuaj/fuqi dhe 280 Nm çift rrotullues maksimal.
Një kuti ingranazhesh automatike me 7 shpejtësi është përgjegjëse për transmetimin e fuqisë në boshtin e përparmë, dhe MINI më praktik arrin 227 km/h dhe përshpejton nga 0 në 100 km/h në 7.2 sekonda. /Telegrafi/
