Vazhdon të komentohet shkelja në kokë e Tyrone Mings ndaj Zlatan Ibrahimovic në barazimin 1-1 mes Manchester Unitedit dhe Bournemouthit.
Anglezi pas ndeshjes i është përgjigjur negativisht akuzave se ai e bëri qëllimisht, duke thënë se pëlqen lojë të ashpër, por asnjëherë të lëndojë kundërshtarin më qëllim.
“Jo, nuk do e bëja kurrë më qëllim, ajo nuk është pjesë e lojës sime. Fort dhe drejt është ajo që dua, por jo një gjë e atillë”.
“E dija, isha i gatshëm për t’u përballur dhe është ajo që ne bëmë gjatë gjithë ndeshjes. Ndoshta kishte një bërryl, e ndjeva, por çka ndodhi më pas nuk e di”.
“Ishte një test i mirë fizik dhe betejë e bukur”, ka thënë Mings për Sky Sport. /Telegrafi/
