Mbrëmë është zhvilluar ndeshja e parë e finales së Konferencës Lindore të NBA-së.
Milwaukee Bucks ka shënuar fitore para shikuesve të vetë në palestrën Fiserv Forum kundër Toronto Raptors me rezultat 108-100.
Në çerekun e parë mysafirët krijuan epërsi prej 11 pikëve, por vendasit gjithçka e përmbysën në periudhat e ardhshme.
🦌 – 0️⃣#FearTheDeer pic.twitter.com/mzhIShpJQi
— Milwaukee Bucks (@Bucks) May 16, 2019
Brook Lopez ishte më i miri në parket te ekipi fitues duke regjistruar ‘double-double’ në saje të 29 pikëve dhe 11 kërcimeve gjersa u ndihmua edhe nga Giannis Antetokounmpo, i cili ishte i suksesshëm pothuajse si i pari duke shënuar 24 pikë dhe kishte 14 kërcime.
Te skuadra kanadeze më i miri ishte Kawhi Leonard, i cili shënoi 31 pikë ndërsa Kylie Lowry regjistroi një pikë më pak se ai.
Ndryshe, ndeshja e dytë mes këtyre dyja skuadrave do të zhvillohet gjatë ditës së nesërme po në të njëjtin qytet, Milwaukee. /Telegrafi/
