Ndeshje të zjarrta janë zhvilluar natën e mbrëmshme në elitën e basketbollit amerikan NBA.
Kampioni në fuqi i NBA-së, Toronto Raptors ka pësuar edhe humbjen e dytë këtë edicion, ku është mposhtur nga Milwaukee Bucks me 10 pikë diferencë 115:105.
Giannis Antetokounmpo me 36 pikë, 15 kërcime e tetë asistime ishte më meritori për fitoren e Bucks.
Derisa me lojë të mirë u dallua edhe Eric Bledsoe me 14 pikë, e Brook Lopez e Kris Middleton shtuan nga 11 të tjera.
Kyle Lowry ishte më efikasi tek kanadezët me 36 pikë të shënuara, por që nuk mjaftuan për fitore.
Ndeshje e zjarrtë është zhvilluar edhe në Moda Centër të Portlandit, ku Philadelphia 76ers kanë marrë fitore në sekondën e fundit ndaj Portland Trail Blazers me rezultat 129:128.
Turku Korkmaz realizoi treshe një sekondë para fundit të takimit për t’i dhënë fitoren e pestë këtë edicion Philadelphias.
Në fakt tek 76ers gjashtë basketbollistë realizuan pikë dyshifrore, derisa më efikasi ishte Al Horford me 25 pikë, pesë kërcime e shtatë asistime.
Damien Lillard shënoi 33 pikë për vendasit, por që në fund nuk ishin të mjaftueshme për fitoren e katërt në NBA. /Telegrafi/
Rezultatet:
Oklahoma City Thunder – New Orleans Pelicans 115:104
Detroit Pistons – Brooklyn Nets 113:109
Orlando Magic – Denver Nuggets 87:91
Memphis Grizzlies – Phoenix Suns 105:114
Milwaukee Bucks – Toronto Raptors 115:105
Washington Wizards – Minnesotta Timberwolves 109:131
Golden State Warriors – Charlotte Hornets 87:93
Portland Trail Blazzers – Philadelphia 76ers 128:129
