Milot Rashica gjen edhe golin e dytë në kuadër të Kupës së Turqisë

Milot Rashica ka vazhduar shkëlqimin për Galatasaray në duel me Kasamonuspor në kuadër të Kupës së Turqisë.

Reprezentuesi kosovar pasi shënoi golin e parë në takim,  e ka gjetur edhe të dytin.

Ishte minuta e 56-të e sfidës, kur Rashica u asistua nga Bafetemi Gomis dhe realizoi me një gjuajtje të fortë për 4-0.

Pas 70 minutave lojë, Galatasaray po udhëheq me rezultat të thellë 5-0 ndaj skuadrës nga Liga e Tretë e Turqisë.

Rashica deri më tani ka qenë lojtari më i mirë në fushë dhe tifozët e Galatasaray në disa raste e kanë duartrokitur sulmuesin kosovar për lojën e bukur. /Telegrafi/