Marrëdhënia romantike e Miley Cyrus dhe Kaitlynn Carter ka mbaruar, siç mëson revista People.
“Miley dhe Kaitlyn u ndanë”, thotë një burim. “Ato janë akoma mike”.
Lajmi vjen një javë pasi këngëtarja e “Slide Away”, 26 vjeçe dhe ylli i ‘The Hills’, 31 vjeçe, u panë së bashku në Los Angeles të shtunën, më 14 shtator.
“Ato kanë qenë përgjithmonë mike dhe ishin atje për njëra-tjetrin kur të dyja do ndaheshin”, shton i brendshmi”, duke thënë se nuk janë në një marrëdhënie romantike.
Dyshja kaluan kohë cilësore së bashku që nga njoftimi i ndarjeve nga burrat e tyre përkatës, dhe një burim i tha më parë People që ato jetonin së bashku në Los Angeles.
Një përfaqësues për Cyrus konfirmoi ekskluzivisht për People me 10 gusht se ajo dhe burri Liam Hemsworth ishin ndarë pas shtatë muaj martese. Hemsworth paraqiti për divorc disa javë më vonë, duke përmendur ndryshime të pakonkurueshme.
Cyrus dhe Hemsworth kishin nënshkruar një marrëveshje përpara martesës së tyre, kështu që pritet një divorc i qetë, konfirmoi People.
Carter, ndërkohë, njoftoi ndarjen e saj nga Brody Jenner në gusht pas një viti martese, megjithëse thuhet se ata kurrë nuk ishin martuar me ligj.
Më parë në shtator, Cyrus dhe Carter ishin të pandashme në një udhëtim gjatë Javës së Modës në New York. /Telegrafi/