Milani ka vazhduar me formën e mirë në Serie A duke regjistruar triumfin e radhës (2-1) në udhëtim te Sassuolo.
Rossonerët e zhbllokuan rezultatin porsa filloi ndeshja duke e shënuar edhe golin më të shpejtë në Serie A.
Rafael Leao pranoi një asistim nga Hakan Calhanouglu dhe reagoi në mënyrën më të mirë për ta mposhtur me lehtësi portierin kundërshtar.
Të njëjtit futbollistë bashkëpunuan edhe në minutën e nëntë duke arritur ta futin topin në rrjetë, mirëpo gjyqtari e anuloi golin pas shqyrtimit të sistemit VAR për pozitë jashtë lojë.
Mysafirët e dyfishuan epërsinë me golin e Alexis Saelemaekers (26’), i cili realizoi pas asistimit nga Theo Hernandez dhe me avantazh të dyfishtë të Rossonerëve skuadrat shkuan në pushim.
Kur afrohej fundi i takimit (89’), Domenico Berardi e shënoi një gol të bukur për vendasit, por që mbeti vetëm goli i nderit.
Kjo ishte fitorja e nëntë e Milanit që numëron edhe katër barazime dhe kryeson tabelën e Serie A, me një pikë më shumë se rivali i qytetit, Inter.
Sassuolo numëron 23 pikë dhe qëndron në pozitën e gjashtë në renditjen tabelare. /Telegrafi/
Rafael Leao with the fastest goal in the history of Serie Apic.twitter.com/9kfb4lSfp2
— Karim (@Futball_Karim) December 20, 2020
