Ultimatum i Milanit ndaj Gigio Donnarummas. Klubi kuqezi, i acaruar me lojtarin, dhe mbi të gjitha me agjentin e tij Mino Raiolan, ka vendosur të vërë pikat mbi i me portierin e ri duke i bërë të qartë se është gati ta lërë në tribunë për një vit në rast se nuk arrihet një marrëveshje për rinovimin e kontratës brenda fundit të qershorit.
Milani i ka ofruar Donnarummas 3.5 milionë euro në sezon kundrejt 250 mijë eurove që lojtari merr aktualisht, por Raiola po fiton kohë duke luajtur me rritjen e interesit të klubeve të tjera evropiane ndaj klientit.
Pikërisht pretendentët e Donnarummas, me Manchester City-n në krye, presin me kujdes zhvillimet e një situate që sa vjen dhe bëhet përvëluese.
Vështirë të thuhet se lëvizja e Milan-it është e drejtë apo jo. Me siguri është një mënyrë për të rivendosur hierarkitë, për të vendosur klubin mbi gjithçka e mbi të gjitha Donnaruman përpara përgjegjësive të tij. Gigio është deklaruar gjithmonë milanist dhe i dashuruar me Milanin. /telesport/