Milani nuk është i gatshëm të shesë mesfushorin Hakan Calhanoglu në janar, edhe nëse ai nuk do të rinovojë kontratën e tij në San Siro.
Përfaqësuesi i Turqisë e ka vendosur veten si një lojtar kryesor nën urdhrat e trajnerit Stefano Pioli dhe mesfushori ka qenë i lidhur me një largim nga klubi.
Kontrata e tij skadon në qershor 2021 dhe ai ende nuk ka arritur një marrëveshje me Rossonerët, që do të thotë se ai mund të diskutojë me klube të tjera nga janari.
Por, mediat italiane raportojnë se klubi nga San Siro nuk dëshiron të privohen nga shërbimet e Calhanoglut.
Sipas Gazetta dello Sport, Milani është i gatshëm ta mbajë atë në klub deri në verë dhe nuk është i interesuar të pranojë oferta gjatë dimrit.
Edhe nëse ai nuk nënshkruan një marrëveshje të re me Milanin, Calhanoglu duket se do të përfundojë sezonin 2020-21 me klubin kuqezi.
Ndryshe, lojtari turk pëlqehet shumë nga rivalët e Interit dhe Juventusit, ndërsa shërbimet e tij i duan edhe Atletico Madridi dhe Manchester Unitedi. /Telegrafi/