Milani zyrtarizoi fundin e bashkëpunimit me sponsorin teknik Adidas, me firmën prestigjioze gjermane që siguronte prej 20 vitesh uniformat e kuqezinjve.
Nga kjo kontratë afatgjate Milani ka përfituar 19.7 milionë euro, por, duke nisur që nga sezoni i ardhshëm, “Djalli” do të vishet me Puma, për 10-15 milionë euro në sezon.
Marrëveshja nuk është bërë ende zyrtare, madje në njoftimin për shtyp në faqen e Milanit thuhet se nga 1 korriku klubi italian do të ketë një sponsor të ri teknik, me detajet që do të zbulohen muajt e ardhshëm.
Gjatë 20 viteve të bashkëpunimit me Adidas, Milani ka arritur suksese të rëndësishme, duke fituar në total 12 trofe: tre tituj të Serisë A, dy Liga të Kampionëve, dy Superkupa të Evropës, një Botëror për Klube, tre Superkupa italiane dhe një Kupë të Italisë.
Aktualisht Milani mban pozitën e 11-të në Serie A me 13 pikë.
Ndeshja e ardhshme e klubit nga Milano është ndaj Chievos. /SS/
