Telegrafi

Milani i falet një penalltie në minutat shtesë, merr një pikë në shtëpi nga Udinese

Shkumbin Pireva

Milani ka marrë një pikë shumë të vlefshme në shtëpi nga Udinese duke barazuar 1-1 në ndeshjen e vlefshme për javën e 25-të në Serie A.

Rossonerët nuk kanë arritur të shfrytëzojnë terrenin vendas, pasi janë ndalur me barazim në shtëpi nga Udinese.

Pjesa e parë e ndeshjes u karakterizua me lojë më të mirë të vendasve, të cilët ishin më konkret në kërkimin e golit të epërsisë.

Megjithatë, edhe pas rasteve nga Franck Kessie dhe Brahim Diaz, shifrat mbeten të pandryshuara në 45 minutat e parë.

Në pjesën e dytë, vendasit ishin për një nuancë më të mirë, por edhe mysafirët patën rastet e veta, teksa arritën të shënojnë golin e parë, por që u zhvlerësua në minutat shtesë.

Goli i parë në këtë pjesë erdhi në minutën e 68-të dhe ishte Rodrigo Becao, i cili shënoi për 0-1, ndërsa në shtesë ishte Frank Kessie (90+6) që shënoi nga penalltia për 1-1.

Pas këtij barazimi, Rossonerët e shohin veten në pozitën e dytë me 53 pikë, ndërsa Udinese renditet e 11-ta me 29 pikë.

Në ndeshjen e radhës, Milani udhëton te Hellas Verona, ndërsa Udinese e pret në shtëpi Sassuolon. /Telegrafi/