Sezoni 2021/2022 shënon rikthimin e Milanit në Ligën e Kampionëve pas mungesës disavjeçare.
Rossonerët përfunduan në vend të dytë në Serie A në edicionin e kaluar duke siguruar një vend në garën më të madhe evropiane për klube.
Në ndeshjen e parë të fazës grupore, klubi italian ishte mysafir i Liverpoolit në Grupin B (dhe humbi me rezultat 3-2).
Dhe në takimin e parë rikthyes para tifozëve në San Siro, Milani kishte për kundërshtar Atletico Madridin.
Mbështetësit e kuqezinjve u kujdesën për një koreografi që bartte një mesazh të rëndësishëm atë për rikthimin në Ligën e Kampionëve.
“AC Milan është kthyer” – shkruante në koreografinë e krijuar nga tifozët e Milanit. /Telegrafi/
