“U lëkund mali, lindi miu”, kështu e komentoi Aleksandar Mihajlloski, njëri nga reformatorët brenda partisë OBRM-PDUKM, emrat e rinj që gjatë ditës së djeshme u vendosën në kryesi të kësaj partie.
Sipas tij, Komiteti Qendror i OBRM-PDUKM-së punët i ka kryer pa shpallje për reformat themelore në parti, përcjell Telegrafi Maqedoni.
“Nikolla Gruevski kishte mundësi historike që në Komitetin Qendror të vendos rishikim dhe përmirësim të Deklaratës për demokratizim dhe modernizim të OBRM-PDUKM-së, si hyrje në një proces për ndryshime strukturale, ku partia do të tregonte vendosjen e saj drejt BE-së dhe NATO-s, dhe në zgjedhje do të futej më e fuqishme dhe më e bashkuar”, ka shkruar Mihajlloski në Facebook.
Sipas tij, “freskimi” i partisë me disa përjashtime është zhgënjim i madh, jo vetëm për anëtarët e partisë, por edhe për gjithë opinionin./Telegrafi/