Por gjendja nuk duket mirë për pajisjet Windows Phone pasiqë kompania amerikane ka arritur të shesë vetëm 4.5 milionë njësi për tremujorin e fundit, dhe kjo është një rënie nga 10.5 milionë njësi për periudhën e njëjtë të një viti më parë.
Microsoft dhe Nokia kanë shitur një total prej 110 milionë telefonave në Windows Phones që nga koha kur Nokia ka filluar shitjet e pajisjeve në Windows.
Në anën tjetër, iOS dhe Android kanë shitur 4.5 miliardë njësi të telefonave për periudhën e njëjtë.
Microsoft së fundmi ka lansuar Lumia 950 dhe Lumia 950 XL, por me sa duket as këto dy modele nuk kanë arritur t’i rrisin shitjet e telefonave të linjës Lumia.
Microsoft tani është duke e bërë gati Surface Phone, por mbetet të shihet nëse edhe ky model do të arrijë të ketë sukses për kompaninë amerikane. (Telegrafi)