Kryetari i partisë opozitare maqedonase, OBRM-PDUKM, Hristijan Mickoski, sot ka thënë se Maqedonia po zhytet në korrupsion. Mickovki në deklaratë për media thotë se nga një shoqëri pa korrupsion që e premtoi LSDM-ja, edhe zyrtarisht Maqedonia është vendi më i korruptuar në Evropë.
“Për nëntë muaj kjo qeveri nuk ka ndërmarrë asnjë hap për eliminimin e korrupsionit. Joefikasiteti dhe gjyqësori i varur, institucione joefikase, mungesë e profesionalizimit në kuadrin udhëheqës të policisë, shëndetësi e korruptuar, janë gjërat që qytetarët ballafaqohen çdo ditë me ta”, thotë Mickoski, përcjell Telegrafi Maqedonia.
Ai shtoi se opinioni pret përgjigje nga kryeministri për hetimet për dy zyrtarë të korruptuar në qeverinë e tij, që u njoftua më herët për ta.
“Maqedonia nuk guxon të shnëdrrohet në vend ku për një shërbim që ju takon qytetarëve, ata duhet të paguajnë. Duhet vendosmëri, pavarësi dhe vullnet për punë të mira”, shton Mickoski./Telegrafi/