Kryetari i OBRM-PDUKM-së, Hristijan Mickoski akuzoi kryeministrin Zoran Zaev se po shmanget të bisedojë për problemet që i kanë qytetarët dhe për këtë shkak ka hequr dorë nga ideja e takimit të liderëve.
Sipas Mickoskit gjendja faktike janë problemet me ekonominë, krizën shëndetësore dhe problemet me Bullgarinë.
“Është një skandal i vërtetë që Zaev dje tha një gjë, sot thotë krejtësisht një gjë tjetër. Dje tha se do të thërraësi për takim liderësh nëse nuk e bën Pendarovski, ndërsa sot ndryshoi mendimin. Ky njeri për gjithçka ndryshon qëndrimet”, tha Mickoski.
Sipas Mickoskit, Zaev me gënjeshtra dhe ofendime drejtohet ndaj tij me të pavërteta.
“Përderisa e bën këtë unë vetëm konstatoj një fakt të njohur dhe të ditur se Zaev është kriminel i amnistuar”, tha Mickoski duke kërkuar largimin e Zaevit./Telegrafi/