Kryetari i OBRM-PDUKM-së, Hrsitijan Mickoski në intervistë për ‘Detekor’ të Tv Sitel, njoftoi se do të dërgojë letër deri tek Partia Popullore Evropiane, në të cilën do të kërkojë ndihmë nga partitë simotra që Maqedonia të merr datë për nisjen e bisedimeve me Bashkimin Evropian.
Edhe pse, siç thotë ai, Qeveria e korruptuar e LSDM-së nuk meriton të merr datë për nisjen e bisedimeve me BE-në, qytetarët meritojnë dritare të vogël shprese e cila sot është e mbyllur për shkak të politikave të LSDM-së, përcjell Telegrafi Maqedoni.
“Unë përsëri them se kjo Qeveri e korruptuar dhe e paaftë nuk e meriton, por ne si opozitë, si OBRM-PDUKM do të bëjmë gjithçka që është në dorën tonë, madje në periudhën në vazhdim kam thënë dhe kam njoftuar se do t’ju shkruaj letër partive tona simotra nga PPE që të ndihmojnë në procesin e marrjes së datës për nisjen e bisedimeve”, tha mes tjerash Mickoski.
Sipas tij, qytetarët janë të vetëdijshëm për të gjithë ato padrejtësi që kjo Qeveri zhvatëse i kryen për të drejtuar vendin dhe se kjo nuk do të sjellë asnjë përfitim në rritjen e besimit të qytetarëve./Telegrafi/