Kryetari i OBRM-PDUKM-së, Hristijan Mickoski, sot ka deklaruar se gjatë ditës partia e tij do të dorëzojë kërkesën për interpelancë të Qeverisë në Kuvend, ndërsa pret që votimi për besimin e qeverisë të ndodhë të mërkurën.
“Shpresoj që e mërkura do të jetë dita kur do të kemi mundësi të argumentojmë pozicionet tona. Kështu është sipas Rregullores. Pres që në fund të ditës të votohet mosbesimi i qeverisë dhe të shohim se si më tej do ta zhillojmë Maqedoninë. Të organizojmë zgjedhje të parakohshme parlamentare dhe gjithçka që shkon me to”, tha Mickoski gjatë liturgjisë në kishën “Shën Klimenti i Ohrit”, përcjell Telegrafi Maqedoni.
Ndërsa sa i përket takimit të liderëve për çështjen e emrit, Mickoski tha se akoma nuk është caktuar data, koha dhe vendi për këtë takim, por pret që ai të mbahet fundjavën e ardhshme pas festave, gjegjësisht pas interpelancës dhe raundit të ri të bisedimeve mes shefave të diplomacisë së dy vendeve./Telegrafi/