Kryetari i OBRM-PDUKM-së, Hristijan Mickoski mbrëmë tha se partia e tij do të ndryshojë statutin e saj dhe do të heqë funksionin e kryetarit të nderit.
Megjithatë, Mickoski nuk zbuloi nëse partia e bën këtë që të distancohet nga politikat e ish-kryeministri Nikolla Gruevski, i cili është kryetar nderi për momentin, përcjell Telegrafi Maqedoni.
“Për momentin statuti po shqyrtohet në Komitetin Ekzekutiv dhe më pastaj në Komitetin Qendror. Është në përputhje me statutet e paritve simotra dhe po bëhet për demokratizim. Ju bëj thirrje edhe partive tjera në Maqedonia ta bëjnë të njëjtën gjë”, tha Mickoski.
Ai shtoi se së shpejti pritet vendimi pozitiv i Gjykatës Evropiane për të drejtat e njeriut në Strasburg për rastin ‘Talir’./Telegrafi/