Lideri i OBRM-PDUM-së, Hristijan Mickoski, në emisionin “Samo Vistina”, i bëri thirrje qeverisë nëse dëshiron që ndryshimet kushtetuese të inkurajohen dhe të shkojnë në zgjedhje të parakohshme parlamentare në mënyrë që qytetarët të mund të vendosin, duke theksuar se Zaev në zgjedhjet e vitit 2020 nuk ka dalë me ofertë për ndryshimin e Kushtetutës për përfshirjen e bullgarëve në të.
“Nëse doni të ndryshoni kushtetutën, atëherë shkoni në zgjedhje, pyesni qytetarët dhe lërini ata të vendosin. Kështu është në vendet skandinave, kështu është në Suedi, nëse doni të ndryshoni kushtetutën, atëherë më falni, dilni, pastaj ndryshojeni. Zaev nuk doli në vitin 2020, Kovaçevski nuk doli fare në zgjedhje, por këtu Zaev nuk doli me program për ndryshimin e Kushtetutës, kështu që tha unë do ta ndryshoj Kushtetutën. Unë do të sjell bullgarët, kështu që votoni nëse jeni për mua apo jo”, thekson ai.
Mickoski theksoi se as ai dhe as opozita nuk ka faj që qeveria e LSDM-së nuk ka menduar kur ka marrë vendime politike pa siguruar më parë konsensus social.
“As unë dhe as opozita nuk kemi faj që dikush ka bërë lëvizje politike pa siguruar konsensus social”, tha Mickoski./Telegrafi/