Kryetari i OBRM-PDUKM-së, Hristijan Mickoski, së bashku me nënkryetarin Timço Mutsunski, ka realizuar takim me ambasadoren e Republikës Federale të Gjermanisë, Petra Drexler.
Në takim, presidenti Mickoski prezantoi përkushtimet që do t’i ketë OBRM-PDUKM si qeveri e ardhshme, përkatësisht integrimet evropiane, zhvillimi i përshpejtuar ekonomik dhe lufta kundër krimit dhe korrupsionit.
“Është e nevojshme që Maqedonia të vendoset në korsi të shpejtë drejt BE-së, por edhe të përshpejtohet zhvillimi ekonomik dhe të përmirësohet standardi i jetesës së qytetarëve. Lufta kundër krimit dhe korrupsionit është vendimtare sepse Qeveria e LSD-së dhe BDI-së po e degradon shtetin në të gjitha bazat dhe më së shumti në këtë fushë.
OBRM-PDUKM do të punojë për të gjithë qytetarët e shtetit, jo si LSD dhe BDI deri më tani”, tha Mickoski./Telegrafi/