Javën e kaluar, e dashura mahnitëse e artistit Mick Jagger, Melanie Hamrick, u pa me një unazë të shkëlqyeshme në gisht.
Ndërsa balerina 36 vjeçare, këmbënguli javë më parë se ajo që kishte në gisht ishte një unazë miqësie, miqtë e saj tani kanë pohuar se Melanie dhe Mick, 79 vjeç, janë në fakt të fejuar.
Njerëzit e afërt të çiftit thonë se Melanie pranoi në një udhëtim të fundit në New York se është e fejuara e Mickut, shkruan DailyMail.
“Melanie ishte në Teatrin Amerikan të Baletit dhe po u thoshte miqve të saj se ishte fejuar me Mickun”, tha një burim për tabloidin britanik The Mirror.
“Ajo ishte shumë e qartë kur tha se unaza e saj është një unazë fejese dhe tani ajo është e fejuara e tij. Edhe familja e saj e kupton shumë që ata janë fejuar dhe janë të emocionuar”.
Burimi shtoi: “Nuk ka plane për një martesë, por do të thotë shumë për Melanie që të fejohet – kjo është ajo që ajo ka thënë. Të gjithë miqtë e saj janë të lumtur për të”.
Melanie e cila u takua me këngëtarin kryesor të grupit The Rolling Stone nëntë vjet më parë, kishte qeshur më parë kur kishte dëgjuar thashethemet për fejesë.
Kur u pyet për unazën, të cilën ajo u pa duke e mbajtur në nëntor, ajo sqaroi: “Duhet të qesh sepse ma ka dhënë Mick unazën? Po”.
“A është për atë gisht? Po. Por a jemi ne si adoleshentët ku ‘po’ i japim njëri-tjetrit… Në mendjen time, është një unazë miqësie. Ne do të jemi të papjekur dhe do ta quajmë një unazë miqësie”.
Çifti që u njohën në një koncert në Tokio, kanë një djalë gjashtë vjeçar të quajtur Deveraux ‘Devi’ Octavian Basil Jagger.
Muzikanti ka bërë tetë fëmijë me pesë gra të ndryshme. Fëmija i tij i madh, vajza e quajtur Karis, është 52 vjeçe dhe ka lindur nga një lidhje e shkurtër me aktoren dhe këngëtaren Marsha Hunt.
Pas kësaj, ai kishte një vajzë të quajtur Jade e cila tani është 51 vjeçe. Jade ishte frytë i martesës me ish-bashkëshorten e tij Bianca, me të cilën ishte i martuar nga viti 1971 deri në vitin 1978.
Këngëtari i hitit “Satisfaction” ka katër fëmijë me Jerry Hall; dy vajza; Elizabeth, 39 vjeçe, dhe Georgia, 32 vjeçe dhe dy djem; James, 37 vjeç dhe Gabriel, 25 vjeç.
Ata patën një ceremoni martese jozyrtare në Bali në vitin 1990, pasi ishin së bashku për më shumë se një dekadë, por më vonë ajo u shpall e pavlefshme.
Mick, 79 vjeç dhe Jerry i dhanë fund lidhjes së tyre kur u zbulua se Mick kishte qenë i pabesë duke e tradhtuar atë me modelen braziliane Luciana Gimenez Morad, e cila lindi fëmijën e shtatë të Jagger, Lucas.
Ndërkohë, grupi The Rolling Stones thuhet se do të publikojnë një album me muzikë të re vitin e ardhshëm – i pari i tyre në pothuajse dy dekada. /Telegrafi/