Telegrafi

“MH370 nuk u përplas në det sepse telefonat e pasagjerëve ishin aktivë, edhe katër ditë pas zhdukjes së aeroplanit”!

Fluturimi MH370 nuk mund të ketë rënë në det sepse telefonat e pasagjerëve vazhdonin të bien për katër ditë pasi aeroplani u zhduk, një ekspert i telekomunikacioneve ka pohuar sensacionin.

Ka një numër teorish se pse aeroplani i Malaysia Airlines u zhduk gjatë rrugës nga Kuala Lumpur për në Pekin, duke përfshirë një teori të çuditshme e cila thotë se aeroplani u ul pranë Australisë për t’u përdorur në aktivitetet e mëvonshme terroriste.

Dhe e fundit, shkruajnë mediat e huaja, përcjell Telegrafi, është ajo e një eksperti të telekomunikacionit, i cili pohon se ka prova që MH370 nuk u rrëzua në det në mars të vitit 2014.

Teoria e Paul Franks bazohet në faktin se familjet e pasagjerëve në fluturimin në fjalë, kur bënin thirrje tek të afërmit e tyre, telefonat e tyre ende ishin aktivë, edhe deri në katër ditë pasi u zhduk aeroplani.

Madje, siç thuhet më tej, një anëtar i familjes u shfaq edhe në televizionin kinez për t’u treguar njerëzve se telefoni i vëllait të saj ende po binte.

Gjithashtu, siç thuhet më tej, një grup prej 19 familjesh të gjithë pretendonin se telefonat e të dashurve të tyre ende binin për katër ditë pas zhdukjes, por nuk morën përgjigje nga asnjë prej thirrjeve.

E Franks shkroi në Reddit: “Nëse aeroplani kishte rënë në Oqeanin Indian, nuk ka asnjë mënyrë që telefonat të vazhdojnë të jenë aktivë”.

“Nuk është e mundur. Sapo një telefon të zhytet në ujë, sidomos në ujin e detit, ai vdes”. “Edhe nëse do të mbijetonte, nuk do të merrte sinjal nga thellësia e oqeanit”. “E gjithë kjo tregon se avioni nuk u rrëzua në det”.

Por një ton zileje nuk do të thotë gjithmonë se pajisja është aktive.

Analistët e Wirelessit thonë se toni i telefonimit është një mashtrim psikologjik që përdoret qëllimisht për të mbajtur telefonuesit në linjë ndërsa rrjeti përpiqet të lidhë thirrjen e tyre.

Kjo është bombë e fundit për misterin më të madh të aviacionit në histori. /Telegrafi/