Telegrafi

Meteori ndriçon qiellin mbi Portugali, dëshmitarët publikojnë video të ndryshme

Burim Tmava

Një meteor ndriçoi qiellin mbi Portugali dhe Spanjë gjatë të shtunës mbrëma, ku shumë dëshmitarë të kësaj ngjarje publikuan video të ndryshme të “topit të zjarrtë” në qiell.

Në një video që u filmua nga një kamerë e vendosur brenda një veture në lëvizje, shfaq një dritë të kaltër që ndriçoi qiellin, transmeton Telegrafi.

Një tjetër tregon reagimin e turmës dhe qiellit që merr ngjyrë të kaltër të “ndezur”, gjatë natës kur edhe bie meteori.

Autoritetet në Viseu të Portugalisë, i thanë mediave të atjeshme se janë njoftuar për këtë ngjarje dhe rënien e “objektit” nga qielli, por deri më tani nuk kanë dhënë informacione se ku ka mundur të ketë rënë në Tokë.

Në anën tjetër, mbetet e paqartë nëse meteori ka shpërthyer në qiell apo ka rënë në Tokë dhe mund të ketë shkaktuar dëme. /Telegrafi/