Presidenti Ilir Meta ka publikuar një video ku tregon se si u përdor Ardian Dvorani për kapjen e Gjykatës Kushtetuese.
Sot Meta është pyetur në Prokurorinë e Tiranës në lidhje me kallëzimin që ai ka bërë ndaj kreut të KED, Ardian Dvorani.
“Vetëm Dvorani mund të degradonte integritetin e këtij procesi jetik për ngritjen dhe funksionimin e Gjykatës Kushtetuese, ndaj ai është kallëzuar në Prokurori nga Presidenti i Republikës për dy vepra penale: përvetësimit të titullit apo të detyrës shtetërore dhe shpërdorimit të detyrës. Në mënyrë të paligjshme dhe anti-kushtetuese, Kuvendi një partiak kërkoi krijimin e një Gjykate Kushtetuese politike nën kontrollin e tij”, thuhet në fund të videos. /Telegrafi/
