Presidenti i Shqipërisë, Ilir Meta priti në një takim ambasadoren e re të SHBA, Yuri Kim, me rastin e paraqitjes së letrave kredenciale.
Meta e uroi ambasadoren Kim dhe e siguroi për mbështetje të plotë në realizimin me sukses të misionit të saj në Shqipëri, në interes të forcimit të marrëdhënieve të shkëlqyera midis dy vendeve dhe popujve tanë.
“SHBA janë një partner strategjik, i pazëvendësueshëm për Shqipërinë. Së bashku të përballojmë me sukses sfidat që ka vendi”, theksoi Meta.
Kreu i shtetit shprehu angazhimin e tij të plotë për forcimin e rolit të Shqipërisë, si faktor kyç për stabilitetin e rajonit dhe orientimin e tij euro-atlantik. /Telegrafi/