Kryetari i Republikës së Shqipërisë, Ilir Meta nëpërmjet një rrjetit social “Facebook” përshëndeti ratifikimin unanim e protokollit për hyrjen e Maqedonisë së Veriut në NATO.
“E duartrokas votimin unanim nga Kuvendi të protokollit të anëtarësimit të Republikës së Maqedonisë së Veriut në NATO”, shkruan Meta duke shtuar se prezenca e kreut të Kuvendi të Maqedonisë së Veriut nderoi këtë votë solemne, njofton Telegrafi Maqedoni.
“Vizioni dhe vendosmëria politike për t’i hapur rrugën evropiane dhe euro-atlantike vendit meriton vlerësimin më të lartë dhe mikpritjen më të ngrohtë në familjen Trans-Atlantike”, thotë kryetari Meta.
Ai shkruan se ndihet krenar për rolin kyç që luajnë shqiptarët në këto vendimmarrje jetike për Republikën e Maqedonisë së Veriut dhe për gjithë rajonin./Telegrafi/
