Meta ka marrë leje nga autoritetet për të filluar trajnimin e modeleve të saj me AI në postimet publike në Facebook dhe Instagram në Mbretërinë e Bashkuar.
Sigurisht, modelet moderne të Inteligjencës Artificiale sot në thelb janë trajnuar tërësisht mbi të dhënat publike nga interneti.
Pasi këto modele filluan të fitojnë popullaritet, interneti është bërë shumë më i rreptë në lidhje me të dhënat që është i gatshëm të ndajë.
Shumë uebsajte të mëdha tani bllokojnë AI nga aksesi i të dhënave të tyre nëse nuk paguhen për të, shkruajnë mediat e huaja, përcjell Telegrafi.
Prandaj, përdorimi i të dhënave publike nga platformat e rrjeteve sociale të Meta-s duket si një zgjedhje e lehtë për t’u bërë.
Pas dialogut me ICO (Zyra e Komisionerit të Informacionit) të Mbretërisë së Bashkuar, Meta tani ka leje zyrtare për trajnimin e modeleve.
Gjithsesi, gjithçka qëndron në një bazë morale të paqëndrueshme.
Pjesë të mëdha të internetit janë, kuptohet, shumë të shqetësuara për përdorimin e të dhënave të tyre për të trajnuar një model me AI.
Megjithatë, kjo nuk e ka ndaluar pothuajse çdo kompani të madhe sot që të investojë shumë në të.
Meta AI, për shembull, tani është e pranishme në disa nga shërbimet e Meta si WhatsApp. /Telegrafi/