Presidenti i Shqipërisë, Ilir Meta ka dhënë detaje rreth takimit të zhvilluar me kryetarin e Partisë Demokratike, Lulzim Bashën.
Meta përmes një shkrimi të bërë në llogarinë e tij në Facebook, ka shkruar se me Bashën kanë diskutuar rreth krizës aktuale në Shqipëri, transmeton Telegrafi.
“Sot prita në një takim Kryetarin e Partisë Demokratike, z.Lulzim Basha për të diskutuar mbi krizën aktuale që po kalon vendi. Kërkohet përgjegjshmëri dhe sjellje europiane nga të gjithë”, ka shkruar Meta në Facebook.
Në takim ishte i ftuar edhe kryeministri Edi Rama, por ai ka refuzuar të takojë presidentin me arsyetimin se ishte i zënë me zgjedhjet.
Takimi mes Ilir Metës dhe Lulzim Bashës ka zgjatur 24 minuta./Telegrafi/