Me vendim të datës 31 Korrik 2019, Presidenti i Shqipërisë, Ilir Meta dekreton shkarkimin nga detyra të Komandantit të Forcave Detare, Gjeneral Major Ylber Selman Dogjani.
Ai shkarkohet nga detyra e Komandantit të Forcave Detare, për shkak të mbarimit të mandatit, thuhet në dekret.
Por me datë 16 Janar, Ministrja e Mbrojtjes Olta Xhacka i ka dërguar Presidentit te Republikës kërkesën për lirimin e tij, pasi nga hetimi i kryer për ngjarjen e ndodhur në bazën e Pasha Limanit, ku u vodhën armë dhe municione, rezultonte se ai dhe 15 ushtarake të tjerë, ishin përgjegjës për ngjarjen në fjalë, njofton Panorama.
DEKRET PËR SHKARKIM NGA DETYRA TË KOMANDANTIT TË FORCËS DETARE
Në mbështetje të pikës 3, të nenit 169, nenit 93 të Kushtetutës, të nenit 9, pika 3, germa “c”, të ligjit nr. 64/2014, “Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë”, të ndryshuar, me propozim të Ministrit të Mbrojtjes,
D e k r e t o j
Neni 1
Gjeneral Major Ylber Selman Dogjani, shkarkohet nga detyra e Komandantit të Forcave Detare, për shkak të mbarimit të mandatit.
Neni 2
Ky dekret hyn në fuqi menjeherë.
Nr. i Dekretit 11245
Tiranë, më 31.07.2019