Ish-ylli i Arsenalit, Mesut Ozil, ka ndarë parashikimet e tij se kush do të fitojë Ligën Premier, Ligën e Kampionëve dhe Kupën e Botës.
Mesfushori përmes një postimi në Twitter ka ndarë favoritët e tij dhe nuk e mbështeti kombëtaren e Gjermanisë, nga e cila u largua në vitin 2018, për të triumfuar gjatë turneut të dimrit në Katar.
Në vend të kësaj, ylli i Fenerbahçes ka mbështetur Anglinë me këta të fundit që ishin eliminuar në gjysmëfinale në Kupën e Botës të vitit 2018 dhe një humbje përmes penalltive ndaj Italisë në finalen e Euro 2020.
33-vjeçari kaloi tetë vjet me Topçinjtë pas ardhjes së tij nga Real Madrid në vitin 2013 dhe di gjithçka që ka në lidhje me top ligën angleze.
Dhe gjermani me përvojë nuk pret që Liverpooli të triumfojë në ligë.
Në vend të kësaj, ish ylli i Werder Bremen beson se Manchester City do të ruajë titullin e kampionit në fuqi në Ligën Premier.
EPL: @ManCity 🔵
UCL: @LFC 🔴
World Cup: @England 🏴 https://t.co/nNdyyk3swz— Mesut Özil (@MesutOzil1088) March 22, 2022
City është vetëm një pikë përpara Reds në tabelë dhe dy pretendentët për titull do të përballen më 10 prill në Etihad.
Por, Ozil pret që lojtarët e Pep Guardiolës të mbizotërojnë kundër skuadrës së Jurgen Klopp.
Megjithatë, gjermani nuk pret që pikëllimi i Merseysiders të zgjasë shumë pasi ai i mbështeti ata për të fituar Ligën e Kampionëve.
Liverpool do të përballet me Benfikën në çerekfinale dhe do të takohet me Villarrealin ose Bayern Munich në gjysmëfinale nëse ia dalin.
Nëse gjashtë herë kampionët e Evropës arrijnë në finale, atëherë ata do të përballen me një nga Chelsea, Real, Atletico Madrid ose City në Stade de France në Paris.
Ozil shënoi gjithsej 44 gola dhe 77 asistime në 254 paraqitje me Arsenalin deri në largimin e tij në vitin 2021 për te Fenerbahce. /Telegrafi/