Një mësuese e Çikagos, e cila javën e kaluar ishte në një aeroplan për në Islandë për një pushim evropian, tha se u karantinua në banjë për katër orë pasi e zbuloi – në mes të fluturimit – se ishte me COVID-19.
Sipas medieve të huaja, përcjell Telegrafi, Marisa Fotieo tha se ‘përvoja’ e saj filloi diku mbi Atlantik kur ajo pati dhimbje të fytit. Ajo tha se kishte marrë me vete teste të shpejta dhe u testua në banjën e avionit. Ajo zbuloi se e kishte virusin brenda disa sekondave.
Ajo tha se informoi një stjuardesë, e cila i tha se nuk kishte mjaft vende bosh në avion për t’u izoluar siç duhet. Fotieo tha se ajo ishte e shqetësuar për pasagjerët e tjerë, kështu që pranoi “të qëndronte në banjë për pjesën tjetër të fluturimit”.
“Nuk mund ta besoj se i kam kaluar katër orë në atë banjë, por duhet të bësh atë që duhet të bësh”, tha ajo.
Postimi i saj në TikTok u shikua më shumë se tre milionë herë.
NBC News raportoi se babai dhe vëllai i Fotieos, të cilët ishin të dy në aeroplan, rezultuan negative pas mbërritjes dhe vazhduan për në Zvicër. Fotieo qëndroi në Reyjavik, dhe do të jetë në karantinë për 10 ditë.
Ajo tha se është rehatuar në hotelin humanitar të Kryqit të Kuq ku u mobilizua për qëndrim dhe planifikon të largohet për disa ditë. /Telegrafi/
@marisaefotieoShout out to @Icelandair for my VIP quarantine quarters.. ##luxuryliving ##imsolucky ##covid ##vaccinated ##fyp ##viralvideotiktok ##quarantine