Thomas Tuchel ka humbur punën e tij si trajner i gjigantit anglez Chelsea.
Londinezët ditë më parë e shkarkuan trajnerin gjerman pasi ky i fundit pësoi humbje te Dinamo Zagreb me rezultat 1-0.
Humbja në Ligën e Kampionëve dhe fillimi i dobët i sezonit në Angli i kushtoi Tuchelit me humbjen e punës në Londër.
49-vjeçari qëndroi në krye të Chelsea për një vit e gjysmë, derisa kishte kontratë me londinezët deri në verën e vitit 2024.
Përkundër se ka humbur punën te Chelsea, Tuchel do të marrë një pagesë të mirë nga londinezët.
Pas shkarkimit të tij, në arkat e gjermanit do të shkojnë 6,9 milionë funte (7,9 milionë euro) për kontratën që e kishte deri në verën e vitit 2024.
Trajneri gjerman e udhëhoqi Chelsean në 99 ndeshje zyrtare, ku pati një mesatare prej 2,07 pikëve në ndeshje. /Telegrafi/