Mësohet sa kushtoi veshja e Era Istrefit në finalen e Kampionatit Botëror

Këngëtarja Era Istrefi arriti t’i bëjë krenarë të gjithë shqiptarët me paraqitjen e saj në finalen e Kampionatit Botëror.

Ajo këndoi krahë Will Smith dhe Nicky Jam këngën përcjellëse të Kampionatit, “Live it up”.

Përveç interpretimit, Era u pëlqye edhe për dukjen e saj, të cilën ua kishte besuar stilistëve të “Louis Vuitton”.

Lexo po ashtu Era Istrefi vazhdon të shijojë qëndrimin në Moskë, shoqërohet nga reperi French Montana

Duke qenë se figurat publike përfliten për paraqitjet e tyre, shpesh në opinion interes zgjon edhe fakti se sa shpenzojnë ata për veshjet.

Për paraqitjen e saj në natën finale të kampionatit Botëror, Era duket të ketë shpenzuar gjithsej 505 euro.

Këngëtarja kosovare u shfaq e veshur në pantallona bronzi të kombinuar me një gjysmë xhupi të po të njëjtës ngjyrë.

Faqja “What they wearin” ka sjell në detaje se sa ka kushtuar secila pjesë e kostumit të saj.

Era këto ditë ka publikuar edhe klipin e ri “Prisoner”, të xhiruar në Xhamajka, teksa është pëlqyer dhe komplimentuar shumë për të kënduarën e saj në stilin reggae. /Telegrafi/