Ghetto Geasy dhe Majk kanë caktuar datën e publikimit të këngës së tyre të re që mban titullin “Ajo”.
Telegrafi mëson ekskluzivisht se projekti i ri do të vijë të enjten mbrëma (16 qershor).
Kënga e re pritet të ketë tematikë dashurie, por njëherësh është edhe me ritme që do t’i përshtatet sezonit të verës.
Kemi njoftuar se Getoar Selimi dhe Kastriot Rexha do të vijnë me duetin e radhës që është vazhdim i projektit të lansuar në verën e kaluar, “S’jena Mo”, e që rezultoi jashtëzakonisht i suksesshëm.
Videoklipi është realizuar nga Max Production. Për muzikë, sipas burimeve të Telegrafit, janë përkujdesur dy top producentët nga shtëpia Massive Production, Granit Gashi dhe Nurteel, me Getoar Selimin që regjistrimin e këngës e ka kryer në Tiranë, teksa Majku pjesën e vet e ka realizuar në Prishtinë në studion e Massive. /Telegrafi/