Greva e paralajmëruar për të nisur nga e enjtja mund të prekë edhe organizimin e Testit Shtetëror të Maturës.
Kjo meqenëse mësimdhënësit e konfirmuar të marrin pjesë në proces, pritet që të mos bëhen pjesë, ngase kreu i SBASHK-ut, Rrahman Jasharaj, deklaroi se duke e respektuar ligjin e grevave ata do të jenë pjesë e grevës.
“Le te gjejnë njerëzit e tyre dhe ta organizojnë dhe vëzhgojnë testin e maturës”, deklaroi Jasharaj për Klan Kosovën.
Nga dikasteri i arsimit, shefi i Divizionit për Vlerësim, Fatmir Elezi, tha se kjo nuk konsiderohet e arsyeshme, meqë për administrim të njëjtit marrin pagesë shtesë, derisa sipas tij, nëse lajmërimi për mospjesëmarrje bëhet deri të premten zëvendësimi mund të bëhet.
“Nëse ata bëjnë lajmërimin deri të premten ne do të bëjmë zgjidhje. Por deri më tani nuk ka indicie për bojkotimin e testit të maturës nga ana e mësimdhënësve”, deklaroi Elazi.
Me ose pa grevë, rreth 4,800 maturantë pritet t’i nënshtrohen testit në 65 qendra, ku do të përgjigjen në 100 kërkesa.
